Jólalög

 

Jólasveinar ganga um gólf

Jólasveinar ganga um gólf
með gildan staf í hendi,
móðir þeirra sópar gólf
og flengir þá með vendi.
:,: Upp á stól stendur mín kanna,
níu nóttum fyrir jól
þá kem ég til manna :,:

Gekk ég yfir sjó og land

Gekk ég yfir sjó og land
og hitti þar einn gamlan mann,
spurði hann og sagði svo:
Hvar áttu heima?
Ég á heima á Klapplandi, Klapplandi,Klapplandi.
Ég á heima á Klapplandi,
Klapplandinu góða.

(Síðan kemur Stapplandi, Grátlandi, Hlælandi).

Skín í rauðar skotthúfur

Skín í rauðar skotthúfur
skuggalangan daginn,
jólasveinar sækja að
sjást um allan bæinn.
Ljúf í geði leika sér
lítil börn í desember,
inn í frið og ró, útí frost og snjó
því að brátt koma björtu jólin,
bráðum koma jólin.

Uppi á lofti, inni í skáp
eru jólapakkar,
titra öll af tilhlökkun
tindilfættir krakkar.
Komi jólakötturinn
kemst hann ekki í bæinn inn,
inn í frið og ró, inn úr frosti og snjó,
því að brátt koma björtu jólin,
bráðum koma jólin.

Stjörnur tindra stillt og rótt,
stafa geislum björtum.
Norðurljósin loga skær
leika á himni svörtum.
Jólahátíð höldum vér
hýr og glöð í desember
þó að feyki snjór þá í friði og ró
við höldum heilög jólin
heilög blessuð jólin.

Adam átti syni sjö

Adam átti syni sjö,

sjö syni átti Adam.

Adam elskaði alla þá

og allir elskuðu Adam.

Hann sáði, hann sáði,

hann klappaði saman lófunum,

stappaði niður fótunum,

ruggaði sér í lendunum

og snéri sér í hring

Bráðum koma blessuð jólin

Bráðum koma blessuð jólin
börnin fara að hlakka til.
Allir fá þá eitthvað fallegt
í það minnsta kerti og spil.
Kerti og spil, kerti og spil,
í það minnsta kerti og spil.

Hvað það verður veit nú enginn,
vandi er um slíkt að spá.
En eitt er víst að alltaf verður
ákaflega gaman þá.
Gaman þá, gaman þá,
ákaflega gaman þá.

Ég sá mömmu kyssa jólasvein

Ég sá mömmu kyssa jólasvein
við jólatréð í stofunni í gær.
Ég læddist létt á tá,
til að líta gjafir á,
hún hélt ég væri steinsofandi
Stínu dúkku hjá.

Og ég sá mömmu kitla jólasvein
og jólasveinninn út um skeggið hlær.
Já, sá hefði hlegið með,
hann faðir minn hefði hann séð,
mömmu kyssa jólasvein í gær.

Nú skal segja

Nú skal segja, nú skal segja
hvernig litlar telpur gera:
Vagga brúðu, vagga brúðu
og svo snúa þær sér í hring!

Litlir drengir: Sparka bolta
Ungar stúlkur: Þær sig hneigja
Ungir piltar: Taka ofan
Gamlar konur: Prjóna sokka
Gamlir karlar: Taka í nefið

aaatsjúú!!!

Göngum við í kringum...

Göngum við í kringum einiberjarunn,
einiberjarunn, einiberjarunn.
Göngum við í kringum einiberjarunn,
snemma á mánudagsmorgni.
Svona gerum við er við þvoum okkar þvott,
þvoum okkar þvott, þvoum okkar þvott,
svona gerum við þegar við þvoum okkar þvott,
snemma á mánudagsmorgni.

Þriðjud: Vindum okkar þvott
Miðvikud: Hengjum okkar þvott
Fimmtud: Teygjum okkar þvott
Föstud: Straujum okkar þvott
Laugard: Skúrum okkar gólf
Sunnud, snemma: Greiðum okkar hár
Sunnud, seint: Göngum kirkjugólf

Pabbi segir

Pabbi segir, pabbi segir:
"Bráðum koma dýrðleg jól".
Mamma segir, mamma segir:
"Magga fær þá nýjan kjól".
Hæ, hæ, ég hlakka til,
hann að fá og gjafirnar.
Bjart ljós og barnaspil,
borða sætu lummurnar.

Það á að gefa börnum brauð

Það á að gefa börnum brauð
að bíta í á jólunum,
kertaljós og klæðin rauð
svo komist þau úr bólunum.

Væna flís af feitum sauð
sem fjalla gekk á hólunum.
Nú er hún gamla Grýla dauð,
gafst hún upp á rólunum.

Á jólunum er gleði og gaman

:,: Á jólunum er gleði og gaman
fúm, fúm, fúm :,:
Þá koma allir krakkar með
í kringum jólatréð.
Þá mun ríkja gleði og gaman,
allir hlæja og syngja saman
fúm, fúm, fúm!

:,: Og jólasveinn með sekk á baki
fúm, fúm, fúm :,:
Hann gægist inn um gættina
á góðu krakkana.
Þá mun ríkja gleði..... o.s.frv.

:,: Á jólunum er gleði og gaman
fúm, fúm, fúm :,:
Þá klingja allar klukkur við
og kalla á gleði og frið.
Þá mun ríkja gleði..... o.s.frv.

Nú er Gunna á nýju skónum

Nú er Gunna á nýju skónum,
nú eru að koma jól.
Siggi er á síðum buxum,
Solla á bláum kjól.

Mamma er enn í eldhúsinu
eitthvað að fást við mat.
Indæla steik hún er að færa
upp á stærðar fat.

Pabbi enn í ógnarbasli
á með flibbann sinn.
"Fljótur, Siggi, finndu snöggvast
flibbahnappinn minn".

Kisu er eitthvað órótt líka,
út fer brokkandi.
Ilmurinn úr eldhúsinu
er svo lokkandi.

Á borðinu ótal bögglar standa,

bannað að gægjast í.

Kæru vinir ósköp erfitt

er að hlýða því.

Jólatréð í stofu stendur,
stjörnuna glampar á.
Kertin standa á grænum greinum,
gul og rauð og blá.

Jólasveinar einn og átta

Jólasveinar einn og átta
ofan komu úr fjöllunum.
Í fyrrakvöld þeir fóru að hátta,
fundu´ann Jón á Völlunum.

Andrés stóð þar utan gátta,
það átti að færa´ann tröllunum.
Þá var hringt í Hólakirkju
öllum jólabjöllunum

Í skóginum stóð kofi einn

Í skóginum stóð kofi einn,
sat við gluggann jólasveinn,
þá kom lítið héraskinn,
sem vildi komast inn:

"Jólasveinn ég treysti' á þig,
veiðimaður skýtur mig."
"Komdu litla héraskinn,
því ég er vinur þinn."

En veiðimaður kofann fann,
jólasveinninn spurði hann:

"Hefur þú séð héraskinn

hlaupa' um hagann þinn?"

"Hér er ekkert héraskott.
Hafa skalt þú þig á brott."
Veiðimaður burtu gekk,
og engan héra fékk.

Söngbók

 

Ýmis lög
 
Góðan dag kæra jörð,
góðan dag kæra sól,
góðan dag kæra tré
og blómin mín öll.
Sæl fiðrildin mín
og lóan svo fín.
Góðan dag fyrir þig,
góðan dag fyrir mig.
 
 ---
 
Upp, upp, upp á fjall,
upp á fjallsins brún,
niður, niður, niður, niður,
alveg niður á tún.
 
 ---
 
Stóra brú fer upp og niður, upp og niður, upp og niður.
Stóra brú fer upp og niður allan daginn.
 
Bílarnir keyra yfir brúna…
 
Flugvélarnar fljúga yfir brúna…
 
Skipin sigla undir brúna…
 
Fólkið gengur yfir brúna…
 
Krakkarnir hlaupa yfir brúna…
 
Fiskarnir synda undir brúna…
 
---
 
:/:Djúp og breið, djúp og breið.
Það er á sem að rennur djúp og breið:/:
Og hún rennur til þín,
og hún rennur til mín,
og hún heitir lífsins lind.
Djúp og breið, djúp og breið.
Það er á sem að rennur djúp og breið.
 
 ---
 
Þumalfingur, þumalfingur hvar ert þú?
Hér er ég, hér er ég.
Góðan daginn, daginn, daginn.
 
Vísifingur…
Langatöng…
Baugfingur…
Litli fingur
 
 ---
 
Kristín litla komdu hér
með kalda fingur þína
ég skal bráðum bjóða þér
báða lófa mína.
 
Fuglinn segir bí, bí, bí,
bí, bí segir hún Stína.
Kveldúlfur er kominn í
kerlinguna mína.
  
Fljúga hvítu fiðrildin
fyrir utan gluggann.
Þarna siglir einhver inn
ofurlítil duggan.
 
 
Afi minn og amma mín
úti á Bakka búa,
þau eru bæði sæt og fín
þangað vil ég fljúga.
 
 
Afi minn fór á honum Rauð
eitthvað suður á bæi
að sækja bæði sykur og brauð
sitt af hvoru tagi.
 
 
Sigga litla systir mín
situr úti í götu,
er að mjólka ána sín
í ofur litla fötu.
 
 ---
 
Göngum, göngum,
göngum upp í gilið
gljúfrabúann til að sjá.
Þar á klettasyllu
svarti krummi
sínum börnum liggur hjá.
 
 ---
 
Uppi á grænum, grænum himinháum hól
sá ég hérahjónin ganga.
Hann með trommu,
bomm, bomm, bomm-bo-romm, bomm, bomm,
hún með fiðlu sér við vanga.
Þá læddist að þeim ljótur byssukarl,
sem miðaði í hvelli.
En hann hitti bara trommuna sem small
og þau hlupu og héldu velli!
 
---
 
:/:Meistari Jakob,:/:
:/:sefur þú?:/:
:/:Hvað slær klukkan?:/:
:/:Hún slær þrjú.:/:
 
 ---
 
Allir krakkar, allir krakkar
eru í skessuleik.
Má ég ekki mamma
með í leikinn þramma?
Mig langar svo, mig langar svo
að lyfta mér á kreik.
 
---
 
Ég lonníetturnar lét á nefið
svo lesið gæti ég frá þér bréfið.
Ég las það oft og mér leiddist aldrei,
og lifað gæti ég ei án þín.
Tra, la la la la la, ljúfa.
Tra, la la la la la, ljúfa.
Ég las það oft og mér leiddist aldrei,
og lifað gæti ég ei án þín.
 
---
 
Gráðug kerling
hitaði sér velling
og borðaði namm, namm, namm,
síðan sjálf jamm, jamm, jamm,
af honum heilan helling.
 
Svangur karlinn
var alveg dolfallinn
og starði svo, sko, sko, sko,
heilan dag o, o, o,
ofan í tóman dallinn.
 
 ---
 
Ding, dong sagði lítill grænn froskur einn dag,
ding dong sagði lítill grænn froskur.
Ding dong sagði lítill grænn froskur einn dag,
og svo líka ding dong spojojojojoj.
 
King kong sagði stór svartur api einn dag,
king kong sagði stór svartur api.
King kong sagði stór svartur api einn dag,
og svo líka king kong aaaaa.
 
M ð sagði lítil græn eðla einn dag,
m ð sagði lítil græn eðla.
M ð sagði lítil græn eðla einn dag,
og svo líka m ð blðlðlðlð.
 
 ---
  
Ein stutt, ein löng,
hringur á stöng
og flokkur sem spilaði og söng.
 
Köttur og mús og sætt lítið hús,
sætt lítið hús og köttur og mús.
 
Ein stutt…
 
Penni og gat og fata sem lak,
fata sem lak og penni og gat.
 
Ein stutt…
 
Lítill og mjór og feitur og stór,
feitur og stór og lítill og mjór.
 
Ein stutt…
 
---
 
Stóra klukkan segir
tikk, takk, tikk, takk.
Litla klukkan segir
tikka, takka, tikka, takka.
Litla vasaúrið segir
tikka, takka, tikka, takka, tikka, takka, tikk.
 
 
 
 
 
--- 
 
Karl gekk út um morguntíma,
taldi alla sauði sína,
einn og tveir og þrír og fjórir,
allir voru þeir.
Með höndunum gerum við klapp, klapp, klapp,
með fótunum gerum við stapp, stapp, stapp.
Einn, tveir, þrír, ofurlítið spor,
einmitt á þennan hátt er leikur vor.
 
---
 
 
Hjá kaupmanni rétt við búðarborðið
svo brosfögur horfði Stína.
“Ég ætlaði bara að kaupa klæði
í kjól á brúðuna mína.”
 
“Og hvaða lit viltu ljúfan?” sagði hann,
“á litlu brúðuna þína?”
“Já auðvitað rauðan, ósköp rauðan,”
með ákafa svaraði Stína.
 
Hann brosandi fór og klippti klæðið
“Hvað kostar það?” spurði Stína.
“Einn koss,” hann svaraði, “kostar klæðið
í kjól á brúðuna þína.”
 
Í búðinni glumdi við gleðihlátur
er glaðlega svaraði Stína:
“Hún mamma kemur í bæinn bráðum
og borgar skuldina mína.”
 
 
--- 
 
Ef að nú hjá pabba einn fimmeyring ég fengi,
fjarskalega hrifin og glöð ég yrði þá.
Ég klappa skyldi pabba og kyssa vel og lengi
og kaupa síðan allt sem mig langar til að fá.
 
Fyrst kaupi ég mér brúðu sem leggur aftur augun
og armbandsúrið fína af fallegustu gerð,
og af því hvað hún mamma er orðin þreytt á taugum
þá ætla ég að kaupa bíl í hverja sendiferð.
 
Hjólhest og járnbraut ég ætla að gefa Geira,
gríðarstóra flugvél ég kaupi fyrir Finn.
Svo kaupi ég mér döðlur, súkkulaði og fleira
og síðan skal ég gefa pabba allan afganginn.
 
 ---
 
Sunnudagur, mánudagur, þriðjudagur,
miðvikudagur og fimmtudagur,
föstudagur og laugardagur
og þá er vikan búin.
 
Janúar, febrúar,
mars, apríl, maí, júní, júlí, ágúst,
september, október,
nóvember og desember.
 
 ---
 
Við setjum svissinn á
og við kúplum gírnum frá,
þá er startað og druslan fer í gang.
Það er enginn vandi að aka bifreið
ef maður bara kemur henni í gang.
 
 
---
 
Hjólin á strætó snúast hring, hring, hring,
hring, hring, hring,
hring, hring, hring.
Hjólin á strætó snúast hring, hring, hring,
út um allan bæinn.
 
Hurðirnar á strætó opnast út og inn….
 
Peningarnir í strætó segja kling, kling, kling….
 
Flautan í strætó segir bíb, bíb, bíb….
 
Fólkið í strætó segir bla, bla, bla….
 
Börnin í strætó segja hí, hí, hí….
 
Bílstjórinn í strætó segir uss, uss, uss….
 
Fólkið í strætó gengur út og inn….
 
 ---
 
Dansi, dansi dúkkan mín.
Dæmalaust er stúlkan fín.
Voða fallegt hrokkið hár,
hettan rauð og kjóllinn blár.
Svo er hún með silkiskó,
sokka hvíta eins og snjó.
Heldurðu ekki að hún sé fín?
Dansi, dansi dúkkan mín.
 
--- 
 
 
Hvað kanntu vinna,
Baggalútur minn?
Þráðarkorn að spinna
og elta lítið skinn.
Kveikja ljós og sópa hús,
bera inn ask og fulla krús
og fara svo fram í eldhús.
 
---
 
Dvel ég í draumahöll
og dagana lofa.
Litlar mýs um löndin öll
liggja nú og sofa.
Sígur ró á djúp og dal,
dýr til hvílu ganga.
Einnig sofna skolli skal
með skottið undir vanga.
 
 --- 
 
Ó hve létt er þitt skóhljóð
og hve lengi ég beið þín,
það er vorhret á glugga
napur vindur sem hvín.
En ég veit eina stjörnu,
eina stjörnu sem skín,
og nú loks ertu komin,
þú ert komin til mín.
 
Það eru erfiðir tímar,
það er atvinnuþref,
ég hef ekkert að bjóða,
ekki ögn sem ég gef,
nema von mína og líf mitt
hvort ég vaki eða sef,
þetta eitt sem þú gafst mér
það er allt sem ég hef.
 
En í kvöld lýkur vetri
sérhvers vinnandi manns
og á morgun skín maísól,
það er maísólin hans,
það er maísólin okkar,
okkar einingarbands,
fyrir þér ber ég fána
þessa framtíðarlands.
 
---
 
Ríðum, ríðum rekum yfir sandinn
rennur sól á bak við Arnarfell.
Hér á reiki er margur óhreinn andinn,
úr því fer að skyggja á jökulsvell.
:/:Drottinn leiði drösulinn minn
drjúgur verður síðasti áfanginn.:/:
 
Þei, þei, þei, þei, þaut í holti tófa,
þurran vill hún blóði væta góm,
eða líka einhver var að hóa
undarlega digrum karlaróm.
:/:Útilegumenn í Ódáðahraun
eru kannski að smala fé á laun.:/:
 
Ríðum, ríðum rekum yfir sandinn,
rökkrið er að síga á Herðubreið.
Álfadrottning er að beisla gandinn,
ekki er gott að verða á hennar leið.
:/:Vænsta klárinn vildi ég gefa til
að vera komin ofan í Kiðagil.:/:
 
 ---
 
Allur matur á að fara
upp í munn og ofan í maga.
Heyrið það? Heyrið það?
Svo ekki gauli garnirnar!
 
 ---
 
Þegar piparkökur bakast
kökugerðarmaður tekur
fyrst af öllu steikarpottinn
og eitt kíló margarín.
Bræðir yfir eldi smjörið,
en það næsta sem hann gjörir
er að hræra kíló púður
saman við það heillin mín.
 
Þegar öllu þessu er lokið
hellast átta eggjarauður
saman við og kíló hveiti
hrærið oní pottinn vel.
Síðan á að setja í þetta
eina litla teskeið pipar,
svo er þá að hnoða deigið,
breiða það svo út á fjöl.
 
--- 
 
Hafið bláa hafið hugann dregur,
hvað er bak við ystu sjónarrönd?
Þangað liggur beinn og breiður vegur
bíða mín þar æskudraumalönd.
Beggja skauta byr
bauðst mér aldrei fyrr,
bruna þú nú bátur minn.
Svífðu seglum þöndum,
svífðu burt frá ströndum,
fyrir stafni er haf og himininn.
 
--- 
 
Maðurinn með hattinn
stendur upp við staur.
Hann borgar ekki skattinn
því hann á engan aur.
 
Hausinn ofan í maga
og maginn ofan í skó
og reima svo fyrir
og henda honum út í sjó.
 
 
Dýralög
 
Bangsi lúrir, bangsi lúrir
bæli sínu í.
Hann er stundum stúrinn,
stirður eftir lúrinn.
Að hann sofi, að hann sofi,
enginn treystir því.
 
---
 
Litla kisa, litla kisa
leptu rjómann þinn.
Langar þig að lúra,
liggja hér og kúra?
Víst þú hefur, víst þú hefur
voða fallegt skinn.
 
--- 
 
Krummi krunkar úti,
kallar á nafna sinn:
“Ég fann höfuð af hrúti,
hrygg og gæruskinn.
Komdu nú og kroppaðu með mér,
krummi nafni minn.
Komdu nú og kroppaðu með mér,
krummi nafni minn.”
 
--- 
 
 
Krummi svaf í klettagjá,
kaldri vetrarnóttu á,
verður margt að meini.
Fyrr en dagur fagur rann,
freðið nefið dregur hann
undan stórum steini.
 
---
 
Bjarnastaðabeljurnar
þær baula mikið núna.
Þær eru að verða vitlausar,
það vantar eina kúna.
Það gerir ekkert til,
það gerir ekkert til,
hún kemur um miðaftansbil.
 
---
 
Heyrðu snöggvast Snati minn,
snjalli vinur kæri,
heldurðu ekki að hringinn þinn
ég hermannlega bæri?
 
Lof mér nú að leika að
látúnshálsgjörð þinni,
ég skal seinna jafna það
með jólaköku minni.
 
Jæja þá í þetta sinn
þér er heimil ólin,
en hvenær koma kæri minn
kakan þín og jólin.
 
---
 
Ærin segir me, me
og krummi segir krá.
Kýrin baular bö, bö
og litla kisa mjá.
Hestur segir hrumm, hrumm,
og hundur segir voff.
:/:Syngur lóan bí, bí
og haninn gaggalagó:/:
 
---
 
Hani, krummi, hundur, svín,
hestur, mús, tittlingur.
Galar, krunkar, geltir, hrín,
gneggjar, tístir, syngur.
  
--- 
 
Tveir kettir sátu uppi á skáp
kritte vitte vitt bomm bomm,
og eftir mikið gón og gláp
kritte vitte vitt bomm bomm
Þá sagði annar: “Kæri minn”
kritte vitte vitte vitte vitt bomm bomm
“við skulum skoða gólfdúkinn”
kritte vitte vitt bomm bomm.
 
Og litlu síðar sagði hinn:
kritte vitte vitt bomm bomm,
“komdu upp á ísskápinn”
kritte vitte vitt bomm bomm.
En í því glas eitt datt um koll,
kritte vitte vitte vitte vitt bomm bomm
og gerði á gólfið mjólkurpoll
kritte vitte vitt bomm bomm.
 
Þá sagði fyrri kötturinn:
kritte vitte vitt bomm bomm,
“A, heyrðu kæri vinur minn”
kritte vitte vitt bomm bomm
“við skulum hoppa niður á gólf”
kritte vitte vitte vitte vitt bomm bomm
“og lepja mjólk til klukkan tólf”
kritte vitte vitt bomm bomm.
 
---
 
Sex litlar endur sé ég hér
fimm eru mjóar og ein er sver.
Ein þeirra vappar og sperrir stél
fremst í flokki og segir kvakk, kvakk, kvakk.
 
Niður að sjónum vilja þær
vagga vibbe vabbe, vibbe vabbe til og frá.
Ein þeirra vappar og sperrir stél
fremst í flokki og segir kvakk, kvakk, kvakk,
segir kvakk, kvakk, kvakk.
 
---
 
Olli ormur fór á kreik,
upp úr moldu kíkti.
Æstur vildi í einhvern leik,
ánægður hann skríkti.
 
---
 
Lítil mús, lítil mús, lítil húsamús.
Lítil mús, lítil mús, lítil hagamús.
Hvað gerir músin nú?
Hún flýr í bóndans bú.
 
---
 
Kjúklingar smáir
þeir klaufar og flón,
kunna ekki að verpa,
en éta okkar grjón.
 
Brátt vex þeim kambur,
þeir komast á legg,
kornin sín borga
og gefa okkur egg.
 
 
Litir og tölur
 
Grænt, grænt, grænt er grasið úti í haga.
Grænt, grænt, grænt, er gamla pilsið mitt.
Allt sem er grænt, grænt
finnst mér vera fallegt
fyrir vin minn litla Jón á Grund.
 
Gul, gul, gul er góða appelsínan.
Gul, gul, gul er gamla húfan mín.
Allt sem er gult, gult
finnst mér vera fallegt
fyrir vin minn litla kínverjann.
 
Rauð, rauð, rauð er rósin hennar mömmu.
Rauð, rauð, rauð er rjóða kinnin mín.
Allt sem er rautt, rautt
finnst mér vera fallegt
fyrir vin minn litla indíánann.
 
 
 
Svart, svart, svart er sjalið hennar frænku.
Svart, svart, svart er litla lambið mitt.
Allt sem er svart, svart
finnst mér vera fallegt
fyrir vin minn, litla svertingjann.
 
Blátt, blátt, blátt er hafið bláa hafið.
Blár, blár, blár er heiður himinninn.
Allt sem er blátt, blátt
finnst mér vera fallegt
fyrir vin minn litla sjómanninn.
 
 
---
 
Gulur, rauður, grænn og blár,
svartur, hvítur, fjólublár.
Brúnn, bleikur, banani,
appelsína talandi.
Gulur, rauður, grænn og blár,
svartur, hvítur, fjólublár.
 
---
 
Fimm litlir apar sátu uppi í tré.
Þeir voru að stríða krókódíl:
“Þú nærð ekki mér!”
Þá kom herra krókódíll
hægt og rólega
og ammmm…
 
Fjórir litlir apar…o.s.frv.
 
---
  
Einn lítill, tveir litlir, þrír litlir fingur,
fjórir litlir, fimm litlir, sex litlir fingur,
sjö litlir, átta litlir, níu litlir fingur,
tíu litlir fingur á höndum.
 
---
 
 
Einn og tveir og þrír,
fjórir, fimm og sex,
sjö, átta, níu,
teljum upp á tíu.
Tralalalala, tralalalala,
tralalalala la.
Tralalalala, tralalalala,
tralalalala la.
 
 
Haust- og vetrarlög
 
Haustið, haustið komið er.
Haustið, haustið komið er.
Haustið, haustið komið er.
Haustið komið er.
 
Og þá falla laufin af trjánum.
Og þá falla laufin af trjánum.
Og þá falla laufin af trjánum.
Haustið komið er.
  
--- 
 
Út um mó, inn í skóg,
uppi í hlíð í grænni tó.
Þar sem litlu berin lyngi vaxa á,
tína, tína, tína má.
 
Tína þá, berjablá,
börn í lautu til og frá.
Þar sem litlu berin lyngi vaxa á,
tína, tína, tína má.
 
---
 
Nú er úti veður vott,
verður allt að klessu.
Ekki á hann Grímur gott,
að gifta sig í þessu.
  
--- 
 
Nú er úti norðanvindur,
nú er hvítur Esjutindur.
Ef ég ætti úti kindur,
Þá myndi ég setja þær allar inn
elsku besti vinur minn.
:/:Úmbarassa, úmbarassa, úmbarassassa,
úmbarassa, úmbarassa, úmbarassassa:/:
 
---
 
 
Nú er frost á Fróni,
frýs í æðum blóð,
kveður kuldaljóð
Kári í jötunmóð.
Yfir laxalóni
liggur klakaþil,
hlær við hríðarbyl
hamragil.
 
Mararbára blá
brotnar þung og há
unnarsteinum á,
yggld og grett á brá.
Yfir aflatjóni
æðrast skipstjórinn,
harmar hlutinn sinn
hásetinn.
 
---
 
Frost er úti fuglinn minn,
ég finn hvað þér er kalt.
Nærðu engu í nefið þitt,
því nú er frosið allt?
 
En ef þú bíður augnablik,
ég ætla að flýta mér
að biðja hana mömmu mína
um mylsnu handa þér.
 
---
 
Sumri hallar hausta fer
heyrið snjallir ýtar.
Hafa fjallahnjúkarnir
húfur mjallahvítar.
“Ég get verið þýðan þín
þegar allt er frosið.
Sólin hún er systir mín,”
sagði litla brosið.
 
---
 
Upp er runninn öskudagur
ákaflega skír og fagur.
Einn með poka ekki ragur
Úti vappar heims um ból
góðan daginn, gleðileg jól.
:/:Úmbarassa, úmbarassa, úmbarassassa,
úmbarassa, úmbarassa, úmbarassassa:/:
 
---
 
Allir hlæja á öskudaginn.
Ó hve mér finnst gaman þá.
Hlaupa lítil börn um bæinn,
bera poka til og frá.
 
 
Vor- og sumarlög
 
Lóan er komin að kveða burt snjóinn,
að kveða burt leiðindin, það getur hún.
Hún hefur sagt mér að senn komi spóinn,
sólskin í dali og blómstur í tún.
 
Hún hefur sagt mér til syndanna minna,
ég sofi of mikið og vinni ekki hót.
Hún hefur sagt mér að vaka og vinna
vonglaður taki’ ég nú sumrinu mót.
 
---
 
Vorvindar glaðir, glettnir og hraðir,
geysast um löndin rétt eins og börn.
Lækirnir skoppa, hjala og hoppa,
hvíld er þeim nóg í sæ eða tjörn.
 
Hjartað mitt litla, hlustaðu á,
hóar nú smalinn brúninni frá.
Fossbúinn kveður, kætir og gleður.
Frjálst er í fjallasal.
 
---
 
Út um mela og móa
syngur mjúkrödduð lóa,
og frá sporléttum spóa
heyrist sprellfjörugt lag.
 
A-a-a
3x :/:hollerassi hía
hollerassi hí:/:
hollerassi hía hú.
 
Út um strendur og stalla
hlakkar stór veiðibjalla,
heyrið ómana alla
út um flóa og fjörð.
 
A-a-a
3x :/:hollerassi hía
hollerassi hí:/:
hollerassi hía hú
 
---
 
Sá ég spóa
suður í flóa,
syngur lóa
úti í móa:
Bí, bí, bí, bí
vorið er komið víst á ný.
 
---
 
Með sól í hjarta og söng á vörum,
við setjumst niður í grænni laut,
í lágu kjarri við kveikjum eldinn,
kakó hitum og eldum graut.
  
--- 
 
Nú er sumar,
gleðjist gumar
gaman er í dag.
Brosir veröld víða,
veðurlagsins blíða
eykur yndishag.
 
Látum spretta
spori létta,
spræka fáka nú.
Eftir sitji engi,
örvar víf og drengi
sumarskemmtun sú.
 
Tíminn líður,
tíminn bíður
sælan sólskinsdag.
Yndi er úti á grundum,
yndi, heim þá skundum
seint um sólarlag.
 
---
 
Signir sól sérhvern hól.
Sveitin klæðist geislakjól.
Blómin blíð, björt og fríð
leika fjalls í hlíð.
Nú er fagurt flest í dag.
Fuglar syngja gleðibrag
Sumarljóð, sæl og rjóð,
syngja börningóð.
 
---
 
Ef væri ég söngvari
syngi ég ljóð,
um sólina, vorið
og land mitt og þjóð.
 
En mömmu ég gæfi
mín ljúfustu ljóð,
hún leiðir mig, verndar
og er mér svo góð.
 
 
Vatnslög
 
3x:/:Á sandi byggði heimskur maður hús,:/:
og þá kom steypiregn.
 
3x:/:Og þá kom steypiregn og vatnið óx og óx,:/:
og húsið á sandinum féll.
 
3x:/:Á bjargi byggði hygginn maður hús,:/:
og þá kom steypiregn.
 
3x:/:Og þá kom steypiregn og vatnið óx og óx,:/:
og húsið á bjarginu stóð.
 
---
 
:/:Ég heyri þrumur:/:
:/:Heyrir þú?:/:
:/:Droparnir detta:/:
:/:Ég verð gegnblautur:/:
 
---
 
Með vindinum þjóta skúraský.
:/:Drýpur drop, drop, drop.:/:
Og droparnir hníga og detta á ný.
:/:Drýpur drop, drop, drop.:/:
 
Nú smáblómin vakna eftir vetrarblund.
:/:Drýpur drop, drop, drop.:/:
Þau augun sín opna er grænkar grund.
:/:Drýpur drop, drop, drop.:/:
 
 
Hreyfilög
 
:/:Höfuð, herðar, hné og tær, hné og tær.:/:
Augu, eyru, munnur og nef.
Höfuð, herðar, hné og tær, hné og tær.
 
---
 
Við setjum hægri höndina inn
Við setjum hægri höndina út
Inn, út, inn, út, og hristum hana svo til
Við gerum hókí pókí og snúum okkur í hring,
þetta er allt og sumt.
3x:/:Oooooooo hókí hókí pókí:/:
Þetta er allt og sumt.
 
Við setjum vinstri höndina inn...
Við setjum hægri fótinn inn...
Við setjum vinstri fótinn inn...
Við setjum höfuðið inn...
 
 
Jóla- og áramótalög
 
Í skóginum stóð kofi einn.
Sat við gluggann jólasveinn.
Þá kom lítið héraskinn,
sem vildi komast inn.
- Jólasveinn ég treysti á þig,
veiðimaður skýtur mig.
- Komdu litla héraskinn,
því ég er vinur þinn.
 
---
 
Adam átti syni sjö,
sjö syni átti Adam.
Adam elskaði alla þá,
og allir elskuðu Adam.
Hann sáði, hann sáði.
Hann klappaði saman lófunum,
hann stappaði niður fótunum,
hann ruggaði sér í lendunum
og snéri sér í hring.
 
---
 
Göngum við í kringum einiberjarunn,
einiberjarunn, einiberjarunn,
göngum við í kringum einiberjarunn
snemma á mánudagsmorgni.
 
Svona gerum við,
þegar við þvoum okkar þvott,
þvoum okkar þvott, þvoum okkar þvott.
Svona gerum við,
þegar við þvoum okkar þvott,
snemma á mánudagsmorgni.
 
Göngum við í kringum…
 
þriðjudagsmorgni, vindum okkar þvott,
miðvikudagsmorgni, hengjum okkar þvott,
fimmtudagsmorgni, straujum okkar þvott,
föstudagsmorgni, teygjum okkar þvott,
laugardagsmorgni, skúrum okkar gólf,
sunnudagsmorgni, greiðum okkar hár,
sunnudagskvöldi, göngum kirkjugólf.
 
---
 
Jólasveinar ganga um gólf
með gylltan staf í hendi.
Móðir þeirra sópar gólf
og flengir þá með vendi.
:/:Upp’ á stól stendur mín kanna,
níu nóttum fyrir jól þá kem ég til manna.:/:
 
---
 
Jólasveinar einn og átta
ofan koma af fjöllunum.
Í fyrrakvöld þeir fóru að hátta,
þeir fundu hann Jón á Völlunum.
Andrés stóð þar utangátta
þeir ætluðu að færa hann tröllunum,
en þá var hringt í Hólakirkju
öllum jólabjöllunum.
 
---
 
Bráðum koma blessuð jólin.
Börnin fara að hlakka til.
Allir fá þá eitthvað fallegt,
í það minnsta kerti og spil.
 
Hvað það verður, veit nú enginn.
Vandi er um slíkt að spá.
En eitt er víst, að alltaf verður
ákaflega gaman þá.
 
---
 
:/:Á jólunum er gleði og gaman, fúm, fúm, fúm.:/:
:/:Þá koma allir krakkar með í kringum jólatréð.
Þá mun ríkja gleði og gaman,
allir hlæja og syngja saman, fúm, fúm, fúm.:/:
:/:Og jólasveinn með sekk á baki, fúm, fúm, fúm.:/:
:/:hann gægist inn um gættina á góðu krakkana.
Þá mun ríkja gleði og gaman,
allir hlæja og syngja saman, fúm, fúm, fúm.:/:
 
:/:Á jólunum er gleði og gaman, fúm, fúm, fúm.:/:
:/:Þá klingja allar klukkur við og kalla á gleði og frið.
Þá mun ríkja gleði og gaman,
allir hlæja og syngja saman, fúm, fúm, fúm.:/:
 
---
 
Ég sá mömmu kyssa jólasvein
við jólatréð í stofunni í gær.
Ég læddist létt á tá
til að líta gjafir á.
- Hún hélt ég væri steinsofandi Stínu dúkku hjá.
 
Og ég sá mömmu kitla jólasvein
og jólasveinninn út um skeggið hlær.
Ja, sá hefði hlegið með,
hann faðir minn, hefð’ann séð
mömmu kyssa jólasvein í gær.
 
---
 
Heims um ból helg eru jól,
signuð mær son Guðs ól,
frelsun mannanna, frelsisins lind,
frumglæði ljóssins, en gjörvöll mannkind
meinvill í myrkrunum lá.
 
--- 
 
Bjart er yfir Betlehem,
blikar jólastjarna.
Stjarnan mín og stjarnan þín,
stjarnan allra barna.
Var hún áður vitringum
vegaljósið skæra.
Barn í jötu borið var,
barnið ljúfa, kæra.
 
--- 
 
Stóð ég úti í tunglsljósi, stóð ég úti við skóg,
stórir komu skarar, af álfum var þar nóg.
Blésu þeir á sönglúðra, og bar þá að mér fljótt,
og bjöllurnar gullu á heiðskírri nótt.
 
Hleyptu þeir á fannhvítum hestum yfir grund,
hornin jóa gullroðnu blika við lund,
eins og þegar álftir af ísagrárri spöng
fljúga suður heiði með fjaðraþyt og söng.
 
Heilsaði hún mér drottningin og hló að mér um leið,
hló að mér og hleypti hestinum á skeið.
Var það út af ástinni ungu sem ég ber?
Eða var það feigðin, sem kallar að mér?
 
---
 
Nú er glatt í hverjum hól,
hátt nú allir kveði.
Hinstu nótt um heilög jól
höldum álfagleði.
Fagurt er rökkrið
við ramman vættasöng.
Syngjum dátt og dönsum,
því nóttin er svo löng.
  
 
Þulur
 
Einn var að smíða ausutetur
annar hjá honum sat.
Þriðji kom og bætti um betur
og boraði á hana gat.
Hann boraði á hana eitt,
hann boraði á hana tvö,
hann boraði á hana þrjú og fjögur,
fimm og sex og sjö.
 
---
 
Græn eru laufin
og grasið sem grær.
Glóðin er rauð
og eldurinn skær.
Fífill og sóley
eru fagurgul að sjá.
Fjöllin og vötnin
og loftin eru blá.
Hvítur er svanur
sem syndir á tjörn.
Svartur er hann krummi
og öll hans börn.
 
---
 
Bokki sat í brunni,
hafði blað í munni,
hristi sína hringa,
bað fugl að syngja.
Grágæsamóðir
ljáðu mér vængi,
svo ég geti flogið
upp til himintungla.
 
---
 
Fagur fiskur í sjó,
brettist upp á halanum
með rauða kúlu á maganum.
Vanda, banda,
gættu þinna handa.
Vingur, slingur,
vara þína fingur.
Fetta, bretta,
svo skal högg á hendi detta.
 
---
 
Lati Geir á lækjarbakka
lá þar til hann dó.
Vildi hann ekki vatnið smakka,
var hann þyrstur þó.
 
---
 
Þumalfingur er mamma, sem var mér vænst og best.
Vísifingur er pabbi, sem gaf mér rauðan hest.
Langatöng er bróðir, sem býr til falleg gull.
Baugfingur er systir, sem prjónar sokka úr ull.
Litli fingur er barnið, sem leikur að skel.
Litli pínu anginn, sem stækkar svo vel.
 
Hér er allt fólkið svo fallegt og nett.
Fimm eru í bænum ef talið er rétt.
Ósköp væri gaman í þessum heim,
ef öllum kæmi saman jafn vel og þeim.
  
--- 
 
Einu sinni var karl og kerling í koti sínu.
Þau áttu sér kálf,
nú er sagan hálf.
Hann hljóp út um víðan völl
og nú er sagan öll.
 
 
 
 
 
 
 
 
---
 
Einn og tveir,
inn komu þeir,
þrír og fjórir,
furðustórir,
fimm, sex, sjö og átta,
svo fóru þeir að hátta,
níu, tíu, ellefu, tólf,
lögðu plögg sín niður á gólf.
Svo um miðjan morgun
hún mamma vakti þá,
þrettán, fjórtán, fimmtán, sextán
fætur stóðu þeir á,
fóru svo að smala suður með á,
sautján, átján lambærnar sáu þeir þá.
Nítján voru tvílembdar torfunum á,
tuttugu sauðina suður við sel,
teldu nú áfram og teldu nú vel.
 
 
 
 
 
 
--- 
 
Sofa urtu börn
á útskerjum,
veltur sjór yfir,
og enginn þau svæfir.
 
Sofa kisu börn
á kerhlemmum,
murra og mala,
og enginn þau svæfir.
 
Sofa Grýlu börn
á grjóthólum,
urra og ýla,
og enginn þau svæfir.
 
Sofa bola börn
á báshellum,
moð fyrir múla,
og enginn þau svæfir.
 
Sofa manna börn
í mjúku rúmi,
bía og kveða,
og babbi þau svæfir.