Á yngstu deild leikskólans er unnið með Könnunarleikinn (Heuristic Play with Objects). Könnunarleikinn má rekja til hugmynda tveggja fræðimanna, Elinor Goldschmied og Sonia Jackson. Lykilatriði í Könnunarleik er að barnið leikur sér af eigin hvötum án þess að starfsmaður stýri því. Hlutverk hans er að sýna áhuga og vera til staðar. Leikur þar sem barnið stjórnar sjálft felur í sér eigin umbun.
Leikið er með verðlaust efni eins og lítil og stór ílát, dósir, köngla, keðjur, hólka, korktappa, lykla, geisladiska og fleira.