Hvað er tákn með tali - TMT ?
Tákn með tali er tjáningarform, ætlað heyrandi fólki sem á við mál- og talörðugleika að stríða. Það byggist á sambandi af látbrigðum, táknum og tali. Með látbrigðum er átt við látbragð og svipbrigði sem yfirleitt eru sýnd um leið og táknin eru gerð og undirstrika þannig merkingu þeirra.

Táknin í TMT geta bæði verið myndræn og lýsandi. Með því að nota þau samhliða tali eru orðin gerð " sýnileg" en margir sem nota TMT eiga auðveldara með að læra og tileinka sér ný hugtök með sjónrænum stuðningi.

TMT er skemmtilegt og gefandi fyrir öll börn en ekki bara þau sem þurfa sérstaklega á því að halda. Börnum finnst einstaklega gaman að syngja með táknum.